ගල්කිස්සේ රොහින්ග්යා සරණාගතයින් රඳවා සිටි ගොඩනැගිල්ල ඉදිරිපිට ඇතිවූ කළහකාරී සිද්ධියට අදාළව අත්අඩංගුවට ගෙන ගල්කිස්ස මහේස්ත්රාත් අධිකරණයට ඉදිරිපත් කළ සිවුදෙනෙනකු ඔක්තෝබර් 09දා තෙක් රක්ෂිත බන්ධනාගාර ගත කර තිබේ.
මේ පිරිස අතර එක් කාන්තාවක්ද සිටින්නීය. එසේම සැකකරුවන් ඔක්තෝබර් 09දා හඳුනාගැනීමේ පෙරට්ටුවකට ඉදිරිපත් කරන ලෙසත් මහේස්ත්රාත්වරයා නියෝග කළේය.
දයාරතන හිමිට, රතනසාර හිමිට CCD කැඳවිමක්
ගල්කිස්ස මියන්මාර සරණාගතයින් පිරිසක් රඳවා සිටි ගොඩනැගිල්ලක් ඉදිරිපිට කළහකාරී ලෙස හැසිරීමේ සිදුවිමට අදාළව ප්රකාශයක් ලබා ගැනීම සඳහා කොළඹ අපරාධ ඒකකයට වාර්තා කරන ලෙස හිමිවරුන් දෙනමකට දන්වා ඇත.
ඒ අනුව අක්මීමන දයාරතන හිමිට හා අඹන්පොළ රතනසාර හිමිට මෙසේ කොළඹ අපරාධ ඒකකයට වාර්තා කරන ලෙස දන්වා ඇතැයි පොලිස් මාධ්ය ප්රකාශක කාර්යාලය සඳහන් කරයි.